PNiËL ERFENIS & KULTUUR TRUST
Die PEKT (Pniël Erfenis- en Kultuurtrust) is in 2011 deur die Pniël Congregational Church gestig.
Die doelwitte van die TRUST sluit in:
- Om artefakte en foto’s wat verband hou met die geskiedenis van hierdie voormalige sendingstasie, waar vrygestelde slawe en ander swartes gekom het om ‘n nuwe lewe te begin, te versamel, te bewaar, te ondersoek, te dokumenteer en uit te stal. Dit het gelei tot die suksesvolle opening van die Pniël Museum in 2013.
- Jeugontwikkeling deur middel van onderwys, kuns, letterkunde en daardeur die jeug in te lig oor ons ryk kulturele erfenis
- Kulturele aktiwiteite: Om die gemeenskap te betrek deur gereelde en gevarieerde aktiwiteite, uitstallings, werkswinkels en kompetisies (bv. Adam Small Literêre fees, fotografie- en skrywerswerkswinkels, kunsklasse)
- Om rolmodelle, besighede en groepe te erken en te ontwikkel wat ‘n rol gespeel het in Pniel wat dit vandag is
- Vrouebemagtiging in die Gemeenskap deur werksgeleenthede te skep
Ons streef dus daarna om ‘n trotse, ekonomies volhoubare gemeenskap te bou wat ondersteun word deur voortgesette onderwysgeleenthede en ontwikkeling, veral met die fokus op die jeug, entrepreneurs en vroue – ‘n gemeenskap wat trots is op hul erfenis en met respek vir hul voorvaders.
Verskeie monumente is opgerig op ‘n historiese area net buite die museum, genaamd “Die Werf”, d.w.s. Die Vryheidsmonument in die vorm van ‘n Duif (opgerig 1994), Die Slawemonument – een van slegs 4 in Suid-Afrika, Die Ubuntu-monument, onthul deur Dr. Kenneth Kaunda in 2017 en ‘n Slaweklok. Dit alles is gedoen met beperkte fondse deur middel van skenkings en vrywilligers, wat hul tyd en kundigheid bestee het om hierdie monumente te vestig.
Die trustees van die PEKT wat die projekte bestuur en die Pniel Museum – laasgenoemde is die hoof fokus van die trust. Die Trustees word ondersteun deur die verskillende vennote van die Projekte.
Jaarlikse Projekte wat suksesvol deur die trust en skenkings deur befondsers bestuur word, is:
- Adam Small Literêre Fees in Februarie
- Museum Opedag op 18 Mei
- Erfenisdagstap in samewerking met KANSA in September
- Viering van die emansipasie van slawe op 1 Desember
- ‘n Kunsskool vir laerskoolleerders
- ‘n Skrywerskool vir plaaslike opkomende skrywers en digters – hul eerste digbundel is pas in boekvorm vrygestel
Trustees
- Quinton de Wet,
- J Myburgh,
- S November,
- E Ontong,
- R Williams,
- U Williams,
- Gerswin Williams,
- Aletta Stubbs-Mukherjee
Hoofweg, Pniel, 7681 | Tel: 021 885 2645
